Wie, Prins Chiel 1ste Hoogheid van ‘n Hekkertshook tut an de Vondelstroat en Adjudant Tijmen oet ‘t Zonnendaal van Tubbig wilt oe het volgende vertell’n:

1. Dat het noa de Corona wear tied wördt veur’n echt feest.

2. Dat wie blie bint dat het CDA oonze prins’nwaag’n nich hef begroot.

3. Dat de nèjbouw op de Es noe eindelijk deur kan goan; wie wenst de nèje bewoners völ succes.

4. Dat de Plus in Tubbig bienoa ’n èèg’n bouwbedrief kan beginnen: zoa vaak verbouwt ze wa.

5. Dat wie hopt nich zoa te eindigen as de Grutto.

6. Dat d’r bie de Kroeg al is knokt, misschien wördt d’r binn’nkot ok wa wokt.

7. Dat ’t èèg’n risico van de Prins’nwaag’n verhoogd wördt deur de nèje waag’n en hofchauffeur.

8. Dat de veurige Hoogheden 2 joar lang hebt regeard, möt wie het 44e joar in één joar doon.

9. Dat Sloot Tweewielers en Fietz wa meant dat wie heel actief bint in Tubbig.

10. Dat wie de gemiddelde lèèftied wa heel erg noar beneden haalt.

11. Dat sinds de Schoapnböllkes de hal hebt zet, ’t hele industrieterrein vol wördt bouwt.

Wie hopt d’r saam’n met Jeugdprins Koen en Adjudant Hidde een fantastisch carnavalsjoar van te maak’n.