Hoogheden Schaop’nböll’kes

Prins Marco I & adjudant Jeroen

“De Schaop'nböll'kes hebt de gemeenteslöttel, dus wie zegt... Loat goan met 'n pruttel!”

Proclamatie:

Wie, Prins Marco ’n eerst’n en Adjudant Jeroen, beide Hoogheed’n oet de Singroavenstroat, en kasteelheer’n van het Binn’nveld 2, wilt oe leu, en heel Tubbig loat’n wett’n dat:

  1. Disse Hoogheed’n d’r te hoop met oe leu een fantastisch slötteljoar van wilt maak’n en dat wie de hele gemeente op ’n kop zult zett’n.
  2. Wij hopt dat met twee Hoogheed’n in de stroat oonze buur’n nig noast de schoon’n zult goat loap’n.
  3. Dat d’r in Tubbig ofgelop’n joar sprake is west van slavernij en dat wie dacht’n dat het ging over Huuskes, umdat al ‘t personeel ok op soaterdag en zundag an ‘t weark is.
  4. ‘t mooi is dat alle pand’n op ‘t industrieterrein wier bezet bint en dat d’r zelfs ondernemers oet Geester’n bint die oons noe helpt um de groate stroat wier vol te krieg’n.
  5. Dat d’r in Tubbig ’n neije Berlijnse muur is bouwt bie Jan olde Hampsink en dat wie oons afvroagt of dat, noe Bas d’r bie komt woon’n, dit ‘t begin is van een Mullerimperium.
  6. Wie hopt dat Kamphuis dakkoffers d’r 1 te koop hef den zo groot is daj ’t hele dak van ‘n Wiekslag d’r in kunt pakk’n.
  7. Wie verwocht dat deur t neije Golfresort bie ’n Kaps d’r meer rieke leu in Tubbig komt te woon’n. Zo krig Bake dan ok nog kaans op neije buur’n.
  8. Wie veur de jonger’n blie bint dat ‘t geneul oawer rubber oawer de kunstgrasveld’n geet en nig oawer hun condooms.
  9. Dat at de bouw van appartement’n veur jonger’n an de Oranjestroat nog langer duurt, sie d’r temet wel geliek seniorenwoning’n van kunt maak’n.
  10. ‘t Project “Glinstering” niks neijs is in Tubbig, aj bekiekt hoe blinkend de auto’s oet ‘n wasstroat van Schröder komt.
  11. Tot slot, wie nig blie bint met de injecties van ‘n NAM in de groond, en wie leever zeet dat ze ’n injectie doot in ‘n kas van de Schaop’nböll’kes!

Start typing and press Enter to search